Kənan AYDINOĞLU.”Haqqı hər zaman sevən coşan bulaq olmuşam”
Gündəlik Analitik İnformasiya Agentliyinin Mətbuat xidmətinin rəhbəri,
Azərbaycan Yazıçılar və Jurnalistlər Birliklərinin üzvü.
Sevə-sevə Allahı bax, bu ömür yolunda,
Nə şeytana dost olub, nə çayda boğulmuşam.
Çox şükür ki, ay Allah, önündə əyilməyə,
Dünən, bu gün, sabah da qul bəndə doğulmuşam
Çətinliyi görsəm də büdərəməyib, əsməyib,
Dostlardan etibarı, sədaqəti kəsməyib,
Acı kəlmədən ötrü doğmalardan küsməyib,
Kim bilir bu dünyada bəlkə də dağ olmuşam?!
Yaşanılan bu günü ömrün sonuna kimi,
Gözəlliyin önündə əsdi qəlbimin simi.
Coşanda qəlbim yenə dumduru bulaq kimi,
“Allah” kəlməsin deyən körpə uşaq olmuşam.
Bəzən də haqsızlıqçün yerdə fəryad qoparan,
Zəhmətimdən əlimin içi gömgöy qabaran,
Bax duyğumu, hissimi uzaqlara aparan,
Haqqı hər zaman sevən coşan bulaq olmuşam. Sərh yazmaq