Kənan AYDINOĞLU.”Ortasındayam”
Qüvvətsiz qoluma qüvvət verən o,
Allahla “Quranın”ortasındayam.
Ana tək qulağa layla deyən o,
Allahla “Quranın” ortasındayam.
Kafiri boynuma şər ata bilməz,
Qaçsa da arxamca o çata bilməz,
Söykənsəm Allaha heç bata bilməz,
Allahla “Quranın” ortasındayam.
Möminə heç zaman yetirməz xələl,
Şirin gəlməz ona heç də cah-cələl,
Tutduğu hər işi yazdırar əməl,
Allahla ”Quranın” ortasındayam.
Qoymaz ki,azım mən haqqın yolundan,
Büdrəsəm hər zaman tutar qolumdan,
Şeytanı qovar o sağdan, solumdan,
Allahla “Quranın” ortasındayam.
“Axirət günündə” bizi söylədər,
Haqdan azmış olsaq, haqqa yönəldər,
O, “Saleh” olmağı bizə öyrədər,
Allahla “Quranın” ortasındayam.
2008-ci il. Sərh yazmaq