Kənan AYDINOĞLU."Toy-büsat qurulub bu axşam, ALLAH!"

Yazdı ATILLA, 26-08-2020, 08:30, Edebiyyat

Kənan AYDINOĞLU."Toy-büsat qurulub bu axşam, ALLAH!"


Gündəlik Analitik İnformasiya Agentliyinin
Mətbuat xidmətinin rəhbəri,
Azərbaycan Yazıçılar və Jurnalistlər Birliklərinin üzvü.


Yenicə ailə həyatı quran iki gəncə-Orxan bəyə və Günel xanıma!

Sevəndə hər kəsin gözləri dolur,
Deyirlər, sevənlər möhtərəm olur.
Gənclərin könlünə təpər ver nolur,
Toy-büsat qurulub bu axşam, ALLAH!

Eşqi, məhəbbəti arayan olsun,
Sevgidən hər biri yarıyan olsun,
Könüllər hər zaman sevgiylə dolsun,
Toy-büsat qurulub bu axşam, ALLAH!

Bu günün əvəzi ola bilməz heç,
Bəndəyçün ən gözəl günləri Sən seç.
Sevən könüllərin günahından keç,
Toy-büsat qurulub bu axşam, ALLAH!

Nə ruha, nə cana gəlməsin qada,
Atanı, Ananı saldıqca yada.
Sevənlər gözəldi gözəl dünyada,
Toy-büsat qurulub bu axşam, ALLAH!

Duyğular ən incə sözdən danışsın,
Küsülü qalanlar hər an barışsın.
Sevməkdə bəndələr hər gün yarışsın,
Toy-büsat qurulub bu axşam, ALLAH!

Bakı şəhəri. 9 iyul 2017-ci il. dle 10.3

Sərh yazmaq