Deyişmə: Şəhla RAMAZANQIZI və Kənan AYDINOĞLU
Şəhla RAMAZANQIZI
Böyük bir sevgiyə ümid bəslədim,
O qədər böyük ki, boynumu əydi.
Daş olan ürəyi ətə çevirdim,
Aşiq olan kimi daşlara dəydi.
Kənan AYDINOĞLU
Ən ülvi hiss olan sevgiyə gərək,
Ümid bəslənməsin duyğular kimi.
“Ümid ayrılıqda görünən yuxu”*
Duyğu da yox olur yuxular kimi.
*Alman filosofu A.Nitşenin sözünə işarədir.
Şəhla RAMAZANQIZI
Ürək söz dinləmir axı əziz dost,
Dəcəl bir uşaqtək bildiyin edir.
İnsanı bəlaya salır, çəkilir.
Sonra da qayıdır, yoluyla gedir
Kənan AYDINOĞLU
Sevgi var doğulur gözlər önündə,
Sərhəddə döyüşən oğullar kimi,
Bir ömrə yazılan sevginin sonu,
Qurtarmır qorxulu nağıllar kimi. Sərh yazmaq